غريب وحيد في غربتو حيران يكفكف دمعتو حزنان يغالب لوعتو ويتمنى بس لىى
اوبتو طال بيه الحنين طال بيه الشجن واقف يردد من زمن بالله يالطير
المهاجر للوطن زمن الخريف تطير بسراع تطير ماتضيع زمن اوعك تقيف وتواصل
اليل بالصباح وسط المطر عز الرياح وكان تعب منك جناح من سرعة في بلادنا
ترتاح وتبقي ليك اريح سكن * * * * * *
وطير بلاد وفوت بلاد وإن جيت بلاد تلقى فيها النيل بيلمع في
الظلام زي سيف مجوهر بالنجوم من غير نظام تقيف هناك وتحىي ياطير باحترام
وتقول سلام وتعيد سلام على نيل بلادنا ونخيل بلادنا وشباب بلادنا سلام *
* * * * * * بالله ياطير قبل ماتشرب تمر على بيت صغير من
بابو ،من شباكو بيلمع الف نور وتلقى الحبيبه بتشتغل منديل حرير لحبيب بعيد
تقيف لديها وتبوس يديها وانقل إليها وفاي ليها وحبي الاكيد
* * * * * *
