(ما على الدنيا عتب)
حبيته ... كلمه و يا قليل ما توصف شعوري له
كلمه ... ان قالها لي أستحي له
كلمه ... توصف شوق و حنين قلبي له
عشقته بصوته الدافي
بكلامه الصافي
بحبه الوافي
فديته بقلبي و بكل ما أملك
و معاه ... أي طريج مستعد أسلك
و من كثر شوقي له أهلك
رسمته ... رسمه بقلبي ما تنمحي
رسمه ... بقلب مستحي
رسمه ... دوم تنتحي
صورته ... بصورة طير الحب الأصيل
بصورة الشوق العليل
بصورة في قلبي ما لها مثيل
أغليته و خليته تاج على راسي
و هو الوحيد الي فاهم احساسي
ما عمري قلت له شي و قال ناسي
سميته اسم يهواه قلبي المجروح
اسم فيه جد و وايد مزوح
اسم يطير العقل و الروح
خليته في قلبي و في عيني و فوق الراس
فوق أهلي و كل الناس
و منه يجيلي أجمل احساس
اشتقت لك و أنا على البعد مجبور
ودي أغمض و أفتح العين ألقاك
أرسلت لك شوقي عصافير و طيور
وش حيلة الذي يرتجي لمس يمناك؟
أضحك مع الناس ولاني مسرور
سارح بفكري ... و اشتكي ضيم فرقاك
ودعته ... و عيني لشوفته تشتهي
روحي معاه مهما عن بعض نلتهي
لي ودعته ... حياتي تنتهي
و بالنهاية أقول:
يا حسايف عالي تلاقوا وقت الوداع..
ما على الدنيا عتب ... بس وين الطيبة يا بشر
