أخطيت يوم أني طلبتك حنانك
لاصرت فاقد شي وشلون تعطيه
مهما نطق لي بالمشاعر لسانك
شي بدون احساس ماأقتنع فيه
احساسك المصنوع خنته وخانك
جاملتني به وأنت تجهل معانيه
مني نصيحه تنفعك في زمانك
الا شعورك لا تبيعه ولاتشتريه
كانك تقدر قيمة الحب كانك
اللي يودك لاتحاول تعنيه
ياكثر ماحبك فوادي وصانك
مع كثر ماتبعده كانك تناديه
غيرك أمانه خوف والخوف أمانك
ما كل من راعاك تقدر تراعيه
حتى ولو عليت بالقلب شانك
ابقى يتيم الحب جرحي أقاسيه
أعذرك لا حطيت نفسي مكانك
لا صرت فاقد شي وشلون تعطيه
