(عطيتني وجهك وانا جيت كلي ..

؛،.. أنا جيت كلي ..،؛،

ماهو بكيفك عقب شيٍ حصلي ..
.. من ذوّق المحتاج يصبر الى احرجْه

خليتني من حلو حاليك احلي ..
.. واصبحت مدمن حب والقلب روّجْه

بين العروق وصار مافيه " ملي " ..
.. الا وله جُرّه تمرّه وتسهَجْه

وذود الغلا في عشب قلبي تفلي ..
.. وتراب صدري للمطر منْك ما احوجْه

يمحل الى صدّيت ويموت يا اللي ..
.. صديت عنّه والله احياه واخرجْه

ولي خاطر ٍ يسألْك من لي ياخلي؟ ..
.. غيبتْك تلعب به وشوفتْك تبهجْه

ولي عين حالي دمعها لك يهلي ..
.. وانْ رحْت راحت مالح الدمع تزعجْه

غالي ولا يحتاج بسّك تغلي ..
.. غلاك اخذ قلبي وروّضْه واسرجْه

ولو قلت ياعيني بصدره تملي ..
.. شافت خفوق ٍ حبك الذرْب توّجْه

وماهو على كيفك عقب ما حصلي ..
.. من ذوّق المحتاج يصبر الى ازعجْه

(عطيتني وجهك وانا جيت كلي ..
.. محروم والمحروم ما ينعطا وجْه)

جميل جدا ماسطرته لنا اناملك
فشكرا لك

» برؤاك خطت مجريات حياتي وبنور وجهك اشرقت ظلماتي
» وانا انتظرك شمسا تجففني
» نفسي شاكية وانا راضية