أهداء لكل ارض العراق ولكل عراقي اينما كان
ماصارت بعد
ماصارت بعد ..ما اضنها هم تصير
لان كلمن يريد بصفه ماعونه
ومنهو الي يضحي القاده كلها تريد
بس وكت الحجي كلهم يطلبونه
غصت هالحكومه وجنها راح تموت
اشربي الماي كله النهر بعيونه
ماصارت حكومه تكول تصنع سيف
نازل من سمه ومعجزه يسمونه
لوتخلق بشر وتريده حاكم زين
كون يشوف كلشي يصير بعيونه
ولكم موحكومه ويوم يتبع يوم
اتركوها القضيه وكلنه اجلونا
مالازم حكومه وهيج خلي نعيش
شعب بلا حكومه وخل يسمونه
صارت معضله وما ادري حلها شلون
واحد ها لعراق الكل يريدونه
وكلها تريد تاج الملك ياستار
كثرت روس ولده وكلها مزيونه
تاجك ياوطن ماينوضع عل راس
ينحط بال*** للي يعرفونه
وصدكني ولا واحد يعرفك زين
يعرفون الورق خبره ويعدونه
ركضو للمناصب ركضة طويريج
واحدهم يعض الكرسي بسنونه
ولو بيهم صدك من غيره العباس
العراق حسينا وبالروح يفدونه
مما راق لي
