الك عمري يا عراق
عذرا يالملأ لو دمعي فاض العين لان عينى وفية وموش حياله
من شفت العراق بدمه فاض فيوض صار الدمع مهرى وصرت خياله
وعذرا لو شفتنى مهدل ولطام وثوبي مشكك ملصدر لذياله
لان كل زين بعراقي صبح منهوب وحتى مالنهب ما سلمت التاله
اتهدل يا ابو كاطع وكوم والطم حيل يا شتال ندبه وخاب شتاله
يابغداد احضنج وانى مامش ايد جفوفي مكطه ودمومي سياله
لان رايت نصر بغداد ولا مطيح احطها عالصدر وجروحه تبراله
مثل عباس اوفه لراية الاسلام وبزنودة الكطيعة الجود تجاله
صح وادمنه كلها موسوة بالراي وبيهم زين وبيهم ايدة جتاله
يصح واحد عراقي وماتريدة العين ويصح واحد عراقي تحبة بنعاله
يصح واحد غيور وغيرته تهز بي ويصح واحد نذل والشاهدة افعاله
يصح واحد شجاع وحوك بالكلفات ويصح واحد جبان ييخوفه خياله
ابشر يا عراقي اليوم هل الجايين بالهوسات والمكوار والفاله
من كركوك للبصرة لحد تكريت بغداد النجف ميسان السماوه ودياله
كلها اتصيح حيهم ياعراق الخير عد عيناك اجينة رجال خياله
واحدنه العمر مرخوص الك ينطي موبس العمر كل ماله وعياله
