عليكم يلمشيتو ترف العيون
وعليكم يلمشيتو كلوبنه تلوع
من رحتو يغالي بوكت الوداع
احس سحكت جدمكم فوك الظلوع
مو ثل النسو ننساكم بساع
اكو بيهم نسوكم باول اسبوع
ومو مثل البشر من نبجي علراح
تشك عيونه امن تطيح الدموع
اعوفن بيتكم ويعتني الشوك
واظل اهتز وارد مثل المراجيح
واصبر ما اخلي الشامت يشوف
واسد حلك الجرح لو رايد يصيح
بس بيه جرح من يصرخ بصوت
اضن حتى السمه من صرخته تطيح
رحتو وجنتو روحي وهسه يا حال
صرت حال السفينه المالهه شراع
ردت مدري شردت من ردتو تمشون
نسيت لساني احس بوكت الوداع
مو بس جفي افطره بندمه الروح
امن اعض جفي ندم حتى افطر الكاع
بجيت عدال عمري الخلص وراح
وكل دمعه التصب عمري تشلعه
شلون انسه السوالف والجي الراح
والهسه الحجي الكلتو اسمعه
من اذكر ضحكم مدري شيصير
بكل ضحكه احس تخنكني دمعه
ياالله شلون حالي بفركه الحباب
راضي انه بقدر كلشي التشرعه
اريدن بس دفاتر هاي الاقدار
امسح بس قدر مكتوب اودعه
