الموت في الغربه ليش لوحدك من غير جناز
ومنهو الغسلك ويغمض العيون
غريب ابنص محطه او ادم اجناب
وهلك عنك بعيد شلون يدرون اليموت بنص هله تتهدله هدال
عليه امه وخواته اتطيح المتون
واشوفك وحدك وانته الكبل جان
الجبل والساتر ابسدك يلوذون
ملك موتك استعجل لوتوانيت
ترد لديرتك جا هسه مدفون
دليني بجوازك رايد اقراه
واشوف اشصارلك بالغربه مدفون
من وحشة الغربه لوحشة الموت
اوشربت الوحشتين ابفرد ماعون
عليك امك تعاين بلجن اتعود
وضعنك مارجع من دون الضعون
عدمن ودعتهه وجيت ليجاي
وعليك تناشد اليرحون ويجون
تريدك عون الهه بتالي الشيب
وهسه انت ضعت وتريدلك عون
وحدك تنعه روحك جنك تكول
اهلي الضيعوني اشلون ينسون
المثلك مايموت وناسه تنساه
العراق
انته
العزيز وتنسه
اشلون
