ن عيني اعلمك شنهو غيره براس...
واعلمك شنهو تعني النكطه بالكصه...
وادليك الدرب والممشه والاحساس...
واعلمك بالحجي مو كله لو نصه...
الشرف....
يعني عفاف وطهر وي نوماس...
والغيره ....
مشاعر تنتفض غصه...
والراد الشرف ينراد لازم ساس...
من زغره البشر بالزينه يتوصه...
وشوف انت البشر واتعلم المقياس...
فرق يم الجبل لو جبته يم نصه...
اكو وادم شرط من الرجل تنباس...
واكو وادم ابد ماعدهه كل فرصه...
يبو قناع التحطه اشما صرت( جساس)..
وكليب التعرف يم سالم اشوصه...
كله لاتساوم دمي خله بكاس....
وانت الساومت بالشرف واترخصه...
الشرف معروف سمجه مو سهل تنجاس...
يل الصياد شطك مارحم شصه...
بعت انت بخساره ولا تصدك ناس...
من نبيع منك تطلب الحصه...
اعوج يبقه بيتك لو بنيته بفاس...
وياريته قوي ضل تايخ بجصه...
